Eins og vel hefur verið fjallað um, þá átti Orri Steinn Óskarsson magnaðan leik í dönsku úrvalsdeildinni um liðna helgi.
Hann skoraði þrennu þegar FC Kaupmannahöfn vann sigur gegn AGF frá Árósum.
Hann skoraði þrennu þegar FC Kaupmannahöfn vann sigur gegn AGF frá Árósum.
Orri kom inn á fyrir meiddan Andreas Cornelius eftir 52 mínútur og sú skipting breytti leiknum algjörlega.
Þetta er fyrsta þrenna Orra í dönsku úrvalsdeildinni en Tipsbladet í Danmörku vekur athygli á því að Orri Steinn sé yngsti leikmaðurinn í 15 ár til að skora þrennu í deildinni.
Orri var 19 ára og 243 daga gamall síðastliðinn sunnudag.
Hann er þá fyrsti leikmaðurinn síðan 2021 til að skora þrennu í dönsku úrvalsdeildinni eftir að hafa komið inn á sem varamaður.
Frábær dagur fyrir Orra sem er gríðarlega efnilegur sóknarmaður.
Athugasemdir