Danski sóknarmaðurinn Jannik Pohl hefur verið mikið á meiðslalistanum hjá Fram og lék aðeins átta leiki í Bestu deildinni á síðasta tímabili.
Pohl er 28 ára og hefur sýnt gæði sín þegar hann hefur ekki verið á meiðslalistanum.
Hann lék gegn Vestra í 1. umferðinni á þessu tímabili en hefur ekki leikið síðan. Fyrst var skýringin sú að hann væri með þursabit en svo kom í ljós að meiðslin væru alvarlegri en það.
Pohl er 28 ára og hefur sýnt gæði sín þegar hann hefur ekki verið á meiðslalistanum.
Hann lék gegn Vestra í 1. umferðinni á þessu tímabili en hefur ekki leikið síðan. Fyrst var skýringin sú að hann væri með þursabit en svo kom í ljós að meiðslin væru alvarlegri en það.
„Það er langt í hann. Þetta er alvarlegra en við héldum í fyrstu. Hann er í meðhöndlun, þetta gæti tekið mánuð eða tvo mánuði. Við vitum það ekki. Það er mjög erfitt að segja til um það," sagði Rúnar Kristinsson þjálfari Fram eftir jafntefli gegn Val í gær.
„Vonandi verður það eitthvað fyrr því við söknum hans. Hann er með mikinn hraða og er frábær senter. Hann var frábær fyrir okkur í vetur."
Framarar hafa verið öflugir í byrjun móts í Bestu deildinni og eru með sjö stig í fjórða sæti að loknum fjórum umferðum.
Athugasemdir