Hinn 37 ára gamli Beitir Ólafsson gekk til liðs við HK frá KR í gær.
Þessi reynslumikli markvörður er uppalinn í HK en hann samdi við KR árið 2017 eftir að hafa verið eitt sumar í herbúðum Keflavíkur.
HK lagði Þrótt af velli í Mjólkurbikarnum í gær og eftir leikinn var Ómar Ingi Guðmundsson þjálfari HK spurður út í komu Beitis til félagsins.
„Það er allavegana eitt sem við þurfum aldrei að efast um og það er að Beitir Ólafsson er í toppstandi. En hann er einn af mínum betri vinum, æskuvinur. Hann er ekki að koma inn í hópinn okkar og æfa með okkur, bara ef eitthvað kemur upp á í markvörslunni er gott að eiga hann. Hann er vonandi ennþá hörkumarkmaður, hann er allavegana ennþá í toppstandi,"
Athugasemdir