Þýska stórveldið Bayern München er gjörsamlega að leika sér að RB Salzburg í leik liðanna í Meistaradeildinni.
Fyrri hálfleikurinn er að klárast og er staðan 4-0 fyrir Bayern.
Pólski markahrókurinn Robert Lewandowski, eða Lewangoalski eins og liðsfélagi hans Thomas Müller kallar hann, skoraði fyrstu þrjú mörkin í leiknum, en þar af komu tvö af vítapunktinum. Hann setti nýtt met með þessum mörkum.
Aldrei hefur leikmaður verið eins fljótur að skora þrennu frá byrjun leiks. Það tók Lewandowski 23 fyrra mínútur. Fyrra metið átti Marco Simone, fyrrum leikmaður AC Milan. Hann gerði þrennu á fyrstu 24 mínútum leiks gegn Rosenborg árið 1996.
Fyrri leikur Bayern og Salzburg endaði 1-1. Það er nokkuð augljóst hvaða lið er að fara áfram úr þessu einvígi.
23 - Robert Lewandowski has completed a hat-trick within 23 minutes against FC RB Salzburg tonight; the earliest treble ever scored by a player in UEFA Champions League history from the start of a match, overtaking Marco Simone for Milan v Rosenborg in 1996 (24 mins). Snappy. pic.twitter.com/aVNNmGdgVV
— OptaJoe (@OptaJoe) March 8, 2022
Athugasemdir