Íslenski landsliðsfyrirliðinn Glódís Perla Viggósdóttir var á sínum stað í vörn Bayern München og spilaði allan leikinn í öruggum 3-0 sigri gegn Werder Bremen í þýsku kvennadeildinni í kvöld.

Bayern hefur enn ekki tapað deildarleik á tímabilinu, er með 16 sigra í 19 leikjum og er á toppnum með sjö stiga forystu á Wolfsburg.

Bayern getur innsiglað sigur í deildinni í næstu umferð en þá leikur liðið gegn Bayer Leverkusen.