Búið er að færa tvo leiki í næstu umferð í Bestu deild kvenna á annan leikstað.
Í fyrsta lagi er um að ræða leik FH og Þórs/KA, en Kaplakrikavöllur er ekki klár í slaginn. Því var leikurinn færður á Ásvelli og mun hann fara fram á heimavelli Hauka, á BIRTU vellinum.
Í fyrsta lagi er um að ræða leik FH og Þórs/KA, en Kaplakrikavöllur er ekki klár í slaginn. Því var leikurinn færður á Ásvelli og mun hann fara fram á heimavelli Hauka, á BIRTU vellinum.
Þá var leikur Breiðabliks og Tindastóls færður á Kópavogsvöll en liðin víxla á heimaleikjum. Hann átti að fara fram á Sauðárkróki en völlurinn þar er ekki leikhæfur.
Fjallað er um málið á Feykir.is. Þar segir: „Í leysingunum síðastliðinn laugardag fór gervigrasvöllurinn glæsilegi á íþróttasvæðinu á Sauðárkróki undir vatn og var völlurinn ekki leikhæfur á sunnudegi."
Gúmmípúðinn undir vellinum er ónýtur og þarf að grípa til aðgerða snögglega.
„Völlurinn er slysahætta eins og hann er í dag," sagði Adam Smári Hermannsson, formaður knattspyrnudeildar Tindastóls, við Feyki.
laugardagur 27. apríl
14:00 Þróttur R.-Valur (AVIS völlurinn)
14:00 Keflavík-Stjarnan (Nettóhöllin-gervigras)
16:15 FH-Þór/KA (BIRTU völlurinn)
16:15 Breiðablik-Tindastóll (Kópavogsvöllur)
16:15 Víkingur R.-Fylkir (Víkingsvöllur)
Athugasemdir