Fjórir leikir eru á dagskrá í 32-liða úrslitum Mjólkurbikars karla í kvöld.
Valur og FH mætast klukkan 19:15 á N1-vellinum á Hlíðarenda í eina Bestu-deildarslag bikarsins til þessa.
Gylfi Þór Sigurðsson, sem er á mála hjá Val, mætir uppeldisfélaginu í fyrsta sinn á meistaraflokksferli sínum og því eflaust blendnar tilfinningar á Hlíðarenda í kvöld.
KÁ fær það verðuga verkefni að mæta KR á BIRTU-vellinum á sama tíma á meðan Þróttur R. spilar við HK.
Jökull Elísabetarson og hans menn í Stjörnunni mæta Augnabliki klukkan 20:00 í Fífunni. Jökull er að mæta sínum gömlu lærisveinum en hann þjálfaði liðið í nokkur ár áður en hann fór yfir í Stjörnuna.
Leikir dagsins:
Mjólkurbikar karla
19:15 Valur-FH (N1-völlurinn Hlíðarenda)
19:15 KÁ-KR (BIRTU völlurinn)
19:15 Þróttur R.-HK (AVIS völlurinn)
20:00 Augnablik-Stjarnan (Fífan)
Athugasemdir