Garth Crooks sérfræðingur BBC hefur valið úrvalslið helgarinnar í enska boltanum en spilað var í undanúrslitum enska bikarsins auk þeirra leikja sem fram fóru í deildinni.
Jordan Pickford (Everton) - Átti rosalega vörslu frá Chris Wood sem hefði getað jafnað fyrir Nottingham Forest. Everton vann gríðarlega mikilvægan sigur og Pickford átti stóran þátt.
Varnarmaður: Virgil van Dijk (Liverpool) - Skoraði ekki í 3-1 sigrinum gegn Fulham en var eins og oft áður hjartað í sigri Liverpool.
Varnarmaður: Manuel Akanji (Man City) - Svissneski varnarmaðurinn átti þátt í sigurmarki Bernardo Silva gegn Chelsea í undanúrslitum bikarsins.
Varnarmaður: William Saliba (Arsenal) - Var gríðarlega öruggur í öllum sínum aðgerðum þegar Arsenal vann Wolves.
Miðjumaður: Kevin de Bruyne (Man City) - Lék enn og aftur lykilhlutverk í sigri City.
Miðjumaður: Martin Ödegaard (Arsenal) - Skoraði frábært mark í sigrinum gegn Úlfunum.
Miðjumaður: Eberechi Eze (Crystal Palace) - Skoraði og lagði upp þegar Palace pakkaði West Ham saman 5-2.
Miðjumaður: Bernardo Silva (Man City) - Skoraði sigurmarkið gegn Chelsea.
Sóknarmaður: Ollie Watkins (Aston Villa) - Lagði upp tvö mörk gegn Bournemouth. Er að skora og skapa fyrir Villa liðið og andstæðingarnir eiga í mestu vandræðum.
Sóknarmaður: Jean-Philippe Mateta (Crystal Palace) - Skoraði tvö virkilega mikilvæg mörk.
Sóknarmaður: Yoane Wissa (Brentford) - Skoraði tvö mörk þegar Brentford slátraði Luton 5-1.
Athugasemdir
