Þórdís Hrönn Sigfúsdóttir kom inná sem varamaður í sigri Vals á Þór/KA í 1. umferð Bestu-deildar kvenna í gærkvöldi. Þetta var fyrsti leikur hennar í deildinni síðan sumarið 2022.
Þórdís Hrönn hafði spilað tvo leiki í Lengjubikarnum í byrjun síðasta árs þegar hún varð fyrir því óhappi að slíta krossband í hné.
Þetta varð til þess að hún missti af öllum leikjum síðasta árs með liðinu og hefur verið í endurhæfingu eftir meiðslin.
Hún hefur ekki náð að spila með Val í Lengjubikarnum það sem af er þessu ári en kom inná í uppbótartíma í gær.
Þórdís spilaði allt tímabilið 2022 með Val en þá var hún með flestar stoðsendingar allra leikmanna í deildinni auk þess að skora sex mörk.
Athugasemdir