Simone Inzaghi og lærisveinar í Inter innsigluðu Ítalíumeistaratitilinn í gær með því að vinna granna sína í AC Milan. Þetta er tuttugasti Ítalíumeistaratitill Inter.
Þriðja árið í röð verður þjálfari Ítalíumeistari sem hefur aldrei unnið titilinn áður sem þjálfari.
Inter hefur haft geigvænlega yfirburði í ítölsku A-deildinni þetta tímabilið. Með sigrinum í gær er Inter með sautján stiga forystu þegar liðið á fimm leiki eftir og titillinn kominn í hús
Inzaghi vann einn Ítalíumeistaratitil sem leikmaður með Lazio árið 2000.
Luciano Spalletti hafði aldrei orðið Ítalíumeistari áður en hann stýrði Napoli til sigurs í fyrra og Stefano Pioli vann sinn fyrsta Ítalíumeistaratitil þegar hann stýrði AC Milan til sigurs 2022.
Inter vann titilinn síðast 2021 og endaði í þriðja sæti í fyrra.
Athugasemdir