John van 't Schip, þjálfari Ajax, sagði frá því í dag að Kristian verði frá í nokkrar vikur vegna meiðsla.

Tímabilið hjá Ajax klárast eftir þrjár vikur og það er því spurning hvort Kristian komi meira við sögu á tímabilinu.

Kristian, sem er tvítugur að aldri, hefur átt virkilega flott tímabil með Ajax og fest sig í sessi í byrjunarliði stærsta félags Hollands.

Ajax er sem stendur í fimmta sæti hollensku úrvalsdeildarinnar.