Darwin Nunez framherji Liverpool er mættur aftur í byrjunarliðið í kvöld gegn Everton eftir að hafa byrjað á bekknum gegn Fulham um helgina.
Nunez skoraði 15 mörk og lagði upp fjögur í öllum keppnum á síðustu leiktíð. Hann er kominn með 18 mörk og 13 stoðsendingar á þessari leiktíð.
Wayne Rooney fyrrum leikmaður Man Utd og Everton er mjög hrifinn af leikmanninum.
„Ef ég væri stuðningsmaður Liverpool myndi ég ekki vilja sjá of miklar breytingar á honum. Hann er mjög hrár og það er mjög erfitt að verjast honum. Það er bara þessi ró fyrir framan markið, ef það smellur er hann ofurstjarna," sagði Rooney.
Athugasemdir
