Jan Jönsson, þjálfari Stabæk, hegðaði sér afar undarlega á hliðarlínunni í leiknum.

Leikmaður Vålerenga var að elta bolta sem var farinn af velli og í innkast. Kantmaður Vålerenga hélt áfram að hlaupa með boltann en óþolinmóður Jönsson hljóp inn á völlinn og keyrði inn í Karinu Sævik, leikmann Vålerenga, í von um að ná boltanum.

Eins og gefur að skilja fékk hann að líta rauða spjaldið, enda gekk hann langt yfir strikið. Hann var svolítið skelkaður í fyrstu en ákvað síðan í kjölfarið að reyna að faðma fjórða dómara leiksins, sem hafði þó engan áhuga á slíku.

MJög undarleg hegðun í alla staði.

Landsliðskonan Sædís Rún Heiðarsdóttir var á varamannabekk Vålerenga og sá þetta því allt saman í beinni, en hún kom ekki við sögu í leiknum. Vålerenga vann leikinn, 3-2 og er áfram með fullt hús stiga eftir fjóra leiki.

Sjáðu atvikið hér