Fulham situr á botni ensku úrvalsdeildarinnar eftir tólf leiki, með einungis fimm stig.

Slavisa Jokanovic stýrði liðinu upp úr Championship á síðustu leiktíð en eftir afleitt gengi í undanförnum leikjum var hann látinn taka poka sinn í gær.

Ranieri er spenntur að hefjast handa en segir að verkefnið sé stórt og mikið.

„Ég met það sem svo að varnarleikur liðsins þurfi að vera mun betri og við þurfum byggja okkar leiki á góðum varnarleik," segir Ranieri.

Lið Fulham hefur fengið flest mörk á sig í deildinni.

„Ég er ekki bara að tala um að varnarmenn þurfi að verjast, allt liðið þarf að taka þátt."

„Andinn í hópnum þarf að vera góður, ég þekki það vel hversu langt lið getur náð með réttu hugafari og góðum liðanda. Stuðningsmenn þurfa að koma með okkur í þetta verkefni. Við þurfum þeirra stuðning. Við munum aldrei gefast upp, sama hvað."

Fyrsta leikur Fulham undir stjórn Ranieri verður á móti Southampton.