Viktor Unnar og Gylfi Þór Sigurðsson saman á æfingu.
Viktor Unnar Illugason var á sínum tíma einn efnilegasti fótboltamaður Ísland en í dag er einn efnilegasti þjálfari landsins.
Viktor hefur starfað sem yngri flokka þjálfari hjá Breiðabliki undanfarin ár en var í vetur ráðinn til Vals. Þar stafar hann sem þjálfari 2. flokks og 4. flokks, en er einnig með puttana í meistaraflokknum.
Viktor Unnar settist niður með Baldvini Má Borgarssyni, fréttamanni Fótbolta.net, eftir leik Vals gegn ÍA í Lengjubikarnum í gær þar sem hann spjallaði um leikinn og sinn metnað í þjálfun.
Viktor hefur starfað sem yngri flokka þjálfari hjá Breiðabliki undanfarin ár en var í vetur ráðinn til Vals. Þar stafar hann sem þjálfari 2. flokks og 4. flokks, en er einnig með puttana í meistaraflokknum.
Viktor Unnar settist niður með Baldvini Má Borgarssyni, fréttamanni Fótbolta.net, eftir leik Vals gegn ÍA í Lengjubikarnum í gær þar sem hann spjallaði um leikinn og sinn metnað í þjálfun.
Hægt er að hlusta á þáttinn í spilaranum hér fyrir ofan, í öllum hlaðvarpsveitum og á Spotify.
„Fyrir einhverjum fimm árum fer ég inn í 6. flokk hjá Breiðabliki og finn strax að þetta er eitthvað sem á við mig. Ég hafði mikla ástríðu fyrir þessu og vissi strax að þetta er eitthvað sem ég vildi gera," segir VIktor Unnar um þjálfunina.
Hann segist hafa viljað koma í Val til að læra af Arnari Grétarssyni, þjálfara liðsins.
„Hann er þaulreyndur þjálfari og mjög góður. Ég hef mikið álit á honum. Það sem seldi mig mest að koma hingað var að fá að læra af Adda og fá að vera yfir 2. flokknum," segir Viktor. „Það er þvílíkur draumur að fá að gera það."
Markmiðið fyrir framtíðina er að vera aðalþjálfari í meistaraflokki.
„Alveg klárlega. Ég ætla mér að vera meistaraflokksþjálfari í efstu deild. Kannski ekki á næstu einu eða tveimur árum. Mér liggur ekkert á. Ég er í góðum skóla hérna en markmiðið mitt er klárlega að vera aðalþjálfari í meistaraflokki í úrvalsdeild."
Athugasemdir
