Tosin hefur tilkynnt félaginu þetta og mun hann því yfirgefa Fulham á frjálsri sölu í sumar.

Það eru ýmis félög sem hafa áhuga á þessum öfluga miðverði sem missti af fyrstu mánuðum enska úrvalsdeildartímabilsins vegna meiðsla, en hefur verið gríðarlega öflugur frá endurkomu sinni í byrjun desember.

Tosin er 26 ára gamall og er fæddur á Englandi en foreldrar hans eru frá Nígeríu. Hann hefur þó ekki viljað spila fyrir landslið Nígeríu þar sem hann heldur enn í enska landsliðsdrauminn eftir að hafa spilað 14 leiki með yngri landsliðunum.

Stórlið á borð við Manchester United, Tottenham Hotspur og Liverpool hafa áhuga á miðverðinum en AC Milan, Inter, AS Mónakó, West Ham og Newcastle hafa einnig verið nefnd til sögunnar.