Úkraína hefur framleitt marga frábæra fótboltamenn í gegnum tíðina.

Margir þeirra spiluðu fyrir Sovétríkin, sem var með bestu landsliðum heims í rúma þrjá áratugi áður en þau fellu árið 1991.

Rebrov byrjaði að spila með nýju úkraínsku landsliði árið 1992 og er með bestu leikmönnum í sögu landsliðsins, en hann er í dag þjálfari liðsins.

Hareide var spurður aðeins út í Rebrov og Úkraínu sem fótboltaþjóð á fundinum.

„Hann var góður framherji, mjög góður fótboltamaður. Þú veist ekki hvernig þeir þjálfa eða hvað þeir eru að gera, en hann hefur gert vel með úkraínska landsliðið."

„Úkraína hefur framleitt mjög góða fótboltamenn. Ég mætti Shakhtar Donetsk þegar ég var þjálfari Malmö árið 2015. Þar er mikill fótboltakúltúr. Þegar ég var sjálfur leikmaður þá mætti ég Sovétríkjunum og bestu leikmennirnir komu frá Úkraínu eins og Oleg Blokhin og Dasayev. Það er mikil fótboltahefð í Úkraínu og það eru alltaf að koma upp mjög áhugaverðir leikmenn hjá þeim,“ sagði Hareide.

Ísland og Úkraína mætast í Wroclaw í Póllandi á morgun klukkan 19:45.