Íslenska karlalandsliðið er rúmum 45 mínútum frá því að tryggja farseðilinn á Evrópumótið í Þýskalandi en liðið er að vinna Úkraínu, 1-0, í hálfleik.
Lestu um leikinn: Úkraína 2 - 1 Ísland
Eftir nokkuð rólega byrjun náði Ísland að komast betur inn í leikinn og eftir hálftímaleik var það Albert Guðmundsson sem skoraði mark Íslands með frábæru skoti rétt fyrir utan teiginn og í hægra hornið.
Roman Yaremchuk kom boltanum í netið fyrir Úkraínu nokkrum mínútum síðar en markið var dæmt af vegna rangstöðu í aðdragandanum. VAR-tæknin hjálpaði þar íslenska liðinu.
Íslenska liðið vildi fá rautt spjald á Ruslan Malinovsky undir lok hálfleiksins er hann gaf Hákon Arnari Haraldssyni olnbogaskot í hálsinn en Úkraínumaðurinn uppskar aðeins gult spjald.
Úkraínumenn þegar orðnir pirraðir og lofar það afar góðu. Nú er það bara að halda skipulagi og sigla þessu heim!
MAAAAAAARK!
— Knattspyrnusambandið (@footballiceland) March 26, 2024
Albert Guðmundsson kemur Íslandi yfir með glæsilegu skoti!!!
WOW!#afturáem pic.twitter.com/bC7DVJTqXi
Athugasemdir