Jagoba Arrasate, þjálfari Osasuna á Spáni, staðfesti í dag að þetta yrði hans síðasta tímabil með liðið.
Arrasate tók við Osasuna fyrir sex árum síðan er liðið var í B-deildinni.
Hann kom liðinu upp í efstu deild á fyrsta tímabili sínu þar og hefur tekist að gera liðið mjög samkeppnishæft í La Liga.
Arrasate fór með liðið alla leið í úrslitaleik spænska konungsbikarsins á síðustu leiktíð en þar tapaði liðið naumlega fyrir Real Madrid, 2-1.
Spánverjinn staðfesti á blaðamannafundi í dag að þetta yrði hans síðasta tímabil sem þjálfari Osasuna. Ekki liggur fyrir hver mun taka við af honum.
Liðið er í 12. sæti La Liga með 36 stig þegar níu umferðir eru eftir af deildinni.
Athugasemdir