FH hefur gengið frá þriggja ára samningi við Örnu Eiríksdóttur en hún kemur til félagsins frá Val. Þetta kemur fram í tilkynningu frá FH í dag.
Arna, sem er fædd árið 2002, er uppalin hjá Val og Víkingi, en hún eyddi síðustu leiktíð á láni hjá FH.
Hún leikur stöðu miðvarðar og gerði afar vel með FH-liðinu en hún er nú alfarið komin yfir í FH og er samningur hennar til næstu þriggja ára.
Arna á 2 A-landsleiki að baki, þann fyrri gegn Eistlandi árið 2022 og síðan í 1-0 sigrinum á Austurríki á síðasta ári.
Vigdís framlengir út tímabilið
Vigdís Edda Friðriksdóttir hefur þá framlengt samning sinn við fimleikafélagið út tímabilið.
Hún er fædd árið 1999 og uppalin á Sauðárkróki en hún á leiki með Tindastól, Breiðablik og Þór/KA.
Vigdís er að fara inn í þriðja tímabilið með FH.
FH hafnaði í 6. sæti Bestu deildarinnar á síðasta tímabili með 29 stig.
Arna Eiríksdóttir er mætt aftur og nú verður hún um kyrrt næstu þrjú árin ????????
— FHingar (@fhingar) March 28, 2024
Velkomin Arna! ????????#ViðErumFH pic.twitter.com/gjMpfpLHrp
Athugasemdir