Ísak, sem er 23 ára gamall, er samningsbundinn danska félaginu Esbjerg fram á sumarið. Esbjerg er í dönsku C-deildinni og stefnir hraðbyri upp í B-deildina en Ísak hafði ekki verið í mjög stóru hlutverki fyrir vetrarfrí í deildinni.

Ísak spilaði síðast hér á landi með Keflavík sumarið 2021 en hann á að baki fjölda leikja með U21 árs landsliði Íslands þar sem hann átti fast sæti í hjarta varnarinnar meðan hann hafði aldur til.

FH hefur undanfarnar vikur reynt að ná samkomulagi við Esbjerg um að fá Ísak Óla lausan og nú virðist sem það sé að takast. FH leikur æfingaleik við Stjörnuna í hádeginu á morgun og spurning hvort Ísak Óli spili þar sinn fyrsta leik.