Paulo Fonseca
Paulo Fonseca stjóri Lille var furðulostinn þegar Emiliano Martinez markvörður Aston Villa fékk sitt annað gula spjald í leik liðanna í Sambandsdeildinni í gær en var ekki rekinn af velli.
Martinez fékk gult spjald í fyrri hálfleik í venjulegum leiktíma fyrir töf og fékk síðan annað gula spjaldið sitt í vítaspyrnukeppninni fyrir að ögra stuðningsmönnum franska liðsins.
Ef leikmaður fær gult spjald í leiknum, venjulegum leiktíma og framlengingu, fellur það úr gildi í vítaspyrnukeppninni en það vissi Fonseca ekki.
„Ég verð að játa að ég þekkti ekki reglurnar, ég held að enginn vissi þetta. Þetta var eitthvað nýtt fyrir öllum, ég hef verið í mörg ár í fótboltanum og þetta hefur aldrei gerst," sagði Fonseca.
Athugasemdir
