Eiður Atli Rúnarsson er genginn í raðir ÍBV á láni frá HK. Hann er annar leikmaðurinn sem ÍBV krækir í á þessum miðvikudegi því fyrr í dag kom Bjarki Björn Gunnarsson á láni frá Víkingi.
Eiður er 22 ára varnarmaður sem lék 17 leiki í Bestu deildinni á síðasta tímabili og var hann í æfingahóp U21 landsliðsins fyrr á árinu.
Eiður er samningsbundinn HK út tímabilið 2025.
ÍBV féll úr Bestu deildinni og verður því í Lengjudeildinni í sumar. Næsti leikur liðsins er hins vegar í Mjólkurbikarnum eftir rúma viku þegar Grindavík kemur í heimsókn.
Athugasemdir