Hinn 18 ára gamli Kobbie Mainoo er í byrjunarliði Englands gegn Belgíu í kvöld en þjóðirnar eigast við í vináttulandsleik klukkan 19:45.
Mainoo var ekki í upprunalega hópnum sem Gareth Southgate tilkynnti fyrir verkefnið en miðjumaðurinn var kallaður inn vegna meiðsla.
Þessi efnilegi leikmaður hefur slegið í gegn með Manchester United á tímabilinu og er nú að fara byrja sinn fyrsta A-landsleik, en hann spilaði sinn fyrsta leik um helgina er hann kom inn af bekknum í 1-0 tapi gegn Brasilíu.
Declan Rice er með fyrirliðabandið í 50. landsleik sínum með Englandi. Marcus Rashford er aftur á bekknum.
Byrjunarlið Englands: Pickford (M), Konsa, Chilwell, Dunk, Stones, Rice (F), Foden, Mainoo, Bellingham, Toney Bowen.
Varamenn: Ramsdale (M), Trafford (M), Gallagher, Watkins, Gordon, Gomez, Henderson, Branthwaite, Lewis, Palmer, Maddison, Rashford.
Byrjunarlið Belgíu: Sels, Castagne, Debast, Fertoghen, Theate, Mangala, Onana, Tielemans, Trossard, Lukaku, Doku.
Athugasemdir