Það er vor í lofti í þriðju stærstu borg Póllands og fiðringur í maganum, verður að viðurkennast. Úkraína og Ísland mætast í kvöld í hreinum úrslitaleik um sæti á EM.
Það verður um 14 gráðu hiti þegar vélin með íslensku stuðningsmönnunum lendir hér í borginni rétt fyrir klukkan 13 að staðartíma. Þá mun hópurinn halda rakleiðis í gamla bæinn þar sem allt er morandi í börum og veitingastöðum.
Það verður um 14 gráðu hiti þegar vélin með íslensku stuðningsmönnunum lendir hér í borginni rétt fyrir klukkan 13 að staðartíma. Þá mun hópurinn halda rakleiðis í gamla bæinn þar sem allt er morandi í börum og veitingastöðum.
Fótbolti.net tók morgungöngu í borginni sem skartar sínu fegursta á leikdegi.
Í gær varð uppselt í flugvél Icelandair sem er núna í loftinu og flytur stuðningsmenn Íslands í leikinn. Upphaflega var uppselt í 160 sæta vél og því var brugðið á það ráð að nýta flugvélina í íslensku fánalitunum sem tekur 225 í sæti og aukasætin seldust strax upp. Á mynd sem fylgir fréttinni má sjá vélina klára á flugbrautinni í morgun.
Athugasemdir