Mane, faðir Liverpool-mannsins Luis Díaz, segir að hann og sonurinn hafi aldrei tapað trúnni um að hann fá einn daginn tækifærið til að spila á Spáni.
Díaz kom til Liverpool frá Porto fyrir tveimur árum en á þeim tíma höfðu spænsku félögin ekki áhuga á að fá hann.
Kólumbíumaðurinn hefur spilað vel með Liverpool síðan hann kom frá Porto og hefur undanfarið verið orðaður við Paris Saint-Germain og Barcelona meðal annars.
Faðir leikmannsins gefur það sterklega til kynna að það sé draumur Díaz að spila á Spáni.
„Það var aldrei neitt alvarlegt með Real Madrid og Atlético. Liverpool var mun ákveðnara og staðráðið í að fá Luis. Við höfum ekki tapað trúnni enn. Luis er að spila vel og spænsk félög eru alltaf mjög virk á markaðnum,“ sagði hann við Cadena SER.
Athugasemdir
