Hildur Lilja Ágústsdóttir hefur samið um að leika áfram með HK í Lengjudeildinni en hún kemur til félagsins frá nágrönnum þeirra í Breiðabliki.
Hildur er tvítug og uppalin hjá Blikum en hún spilaði þó aldrei mótsleik með liðinu.
Frá 2018 til 2021 spilaði hún með Augnabliki á láni frá Blikum en árið eftir gerði hún lánssamning við KR, þar sem hún lék 9 leiki og skoraði 1 mark í Bestu deildinni.
Síðasta sumar var hún á láni hjá HK. Þar spilaði hún 15 leiki í Lengjudeildinni og gerði 1 mark.
Hildur hefur nú skipt alfarið yfir í HK, sem ætlar að gera atlögu að því að komast upp. Liðið var afar nálægt því á síðasta ári en liðið hafnaði í 3. sæti deildarinnar.
Athugasemdir