„Þetta er svekkjandi því mér fannst við vera betra liðið í dag í 75% af leiknum. Frábær fyrri hálfleikur. Við byrjuðum seinni hálfeikinn ekki nógu vel. En síðan unnum við okkur inn í leikinn og sköpuðum fullt af færum. Ég er bara mjög ósáttur með að þær náðu í sigurmarkið í lokin því við miklu betri í dag fannst mér.“ sagði Jonathan Glenn, þjálfari Keflavíkur, eftir 3-2 grátlegt tap gegn Stjörnunni í dag.
Lestu um leikinn: Keflavík 2 - 3 Stjarnan
Keflavík fengu víti á 36. mínútu eftir að Stjarnan tóku markspyrnu og stoppuðu boltann með hendinni eftir að hafa tekið markspyrnuna. Jonathan var á því að þetta var réttur dómur að dæma víti.
„Þetta var víti. Leikmaðurinn tók spyrnuna og stoppaði boltann svo með höndinni.“
Jonathan fékk gult spjald í leiknum en hann er allt annað en sáttur með það hvernig samskiptin við dómara hér á Íslandi er. Hann vill fá að geta tjáð sig og spurt dómara spurningar.
„Samskiptin við dómarana og fjórða dómaran er bara ekki nógu góð, mjög slæm. Við sem þjálfarar eigum að geta spurt þá spurningar. Það er mjög slæmt að sjá hvert dómgæslan er að stefna. Það verður að vera eitthvað svigrúm fyrir þjálfaran að tjá sig hvernig þeim líður eftir að dómarinn tekur ákvörðum sem er slæm. Eitthvað var rangt hjá þeim og ég var að spurja þá út í það. Það er ósanngjarnt að maður eigi bara að halda kjafti.“
Kristrún Ýr, var tekin af velli undir leikslok vegna meiðsla. Glenn veit ekki hvernig staðan er á henni núna.
„Ég veit það ekki. Ég hef ekki talað við hana eða sjúkrarþjálfarana þannig ég er ekki viss með það.“
Keflavík eiga erfiða leiki framundan en þær eru með 0 stig á töflunni eftir tvo leiki.
„Fyrir okkur er hver einasti leikur erfiður. Við verðum að vera tilbúin fyrir hvern einasta leik en við þurfum að fara að ná í stig á töfluna. Hver einasti leikur í Bestu deildinni er erfiður.“ sagði Jonathan Glenn að lokum
Viðtalið má sjá í heild sinni í spilaranum hér að ofan.