De Gea hefur verið án félags allt tímabilið en samningur hans við Manchester United rann út síðasta sumar.

Hann var orðaður við félög í Sádi-Arabíu, Englandi, Spáni og Þýskalandi, en hefur ekki enn fundið rétta félagið.

Launakröfur hans hafa verið sagðar of háar og virðist hann sjálfur ekkert vera að flýta sér í þessum málum en Estadio Deportivo heldur því fram að nú, eftir tæpt ár, sé hann að semja við Real Betis.

De Gea, sem er 33 ára gamall, mun væntanlega hefja næstu leiktíð með Betis, en hann gaf líka sterka vísbendingu um endurkomu sína á samfélagsmiðlum með því að birta mynd af sér á æfingu með þekkta frasann hans Arnold Schwarzenegger úr myndinni Terminator „I'll be back“ eða „Ég kem aftur“.