Þróttur V. hefur fengið Benjamín Jónsson til félagsins frá Fram en hann kemur á láni út tímabilið.
Benjamín er 20 ára gamall markvörður sem spilaði sinn fyrsta leik fyrir meistaraflokk í tapi gegn Val í Bestu deildinni á síðasta ári.
Hann hefur verið Ólafi Íshólm Ólafssyni til halds og trausts, en heldur nú í Vogana til að fá meiri spiltíma.
Markvörðurinn verður á láni út þetta tímabil en Þróttarar spila í 2. deildinni í sumar.
Fyrsti leikur liðsins er gegn KFA þann 4. maí næstkomandi.
Athugasemdir