Daði mættur með teiprúlluna til að reyna að laga markið.
Það er eðli neta að vera götótt en rétt í þann mund sem leikur Fylkis og Vals í Bestu-deild karla átti að hefjast í gærkvöldi kom babb í bátinn.
Möskvarnir voru orðnir of stórir ofan á öðru markinu og því þyrfti að kalla til viðgerðarmann til að huga að verkinu.
Sá sem var tilkallaður var Daði Ólafsson leikmaður Fylkis sem er ekki leikfær ennþá eftir að hafa slitið krossband í fyrra.
Daða gekk lítið að gera við markið svo gamla brýnið Guðmann Hauksson vallarstjóri Fylkis mætti á svæðið og setti upp stól og gekk frá málum svo hefja mætti leik, nokkrum mínútum á eftir áætlun.
Hér meðfylgjandi eru nokkrar myndir.
Guðmann fylgist með Daða reyna að finna lausnir.
Guðmann sækir sér uppphækkun.
Kíkt á vandamálið.
Ungur nemur, gamall temur.
Athugasemdir
