Elíza Gígja er fædd 2003 og á hún 12 keppnisleiki að baki fyrir sterkt lið Víkings, þar af 7 í Lengjudeildinni, en hefur ekki fengið mikinn spiltíma vegna krossbandsslita.

Elíza leikur sem varnarmaður og gæti reynst mikilvægur liðsstyrkur fyrir Aftureldingu í Lengjudeildinni í sumar. Mosfellingar enduðu í fimmta sæti í fyrra, með 29 stig úr 18 umferðum.

„Afturelding býður Elízu hjartanlega velkomna í Mosfellsbæinn og þakkar John Andrews þjálfara Víkinga samstarfið," segir meðal annars í tilkynningu frá Aftureldingu.

Til gamans má geta að Elíza er dugleg að fylgjast með íslenska boltanum og textalýsir reglulega leikjum fyrir Fótbolta.net.