Brasilíski kantmaðurinn Felipe Anderson verður samningslaus eftir tímabilið með Lazio í efstu deild ítalska boltans og ætlar ekki að gera nýjan samning við félagið.
Talið var að Anderson væri að ganga til liðs við Juventus á frjálsri sölu næsta sumar en nú er komið í ljós að hann er á leið aftur til heimalandsins, þar sem hann mun leika með stórveldinu Palmeiras.
Anderson átti 31 árs afmæli í gær, þegar félagsskiptin voru tilkynnt, og hefur ákveðið að skipta til Brasilíu af fjölskylduástæðum.
Anderson er uppalinn hjá Santos í heimalandinu og hefur ekki spilað í brasilíska boltanum síðan 2013.
Hjá Lazio spilaði hann 319 leiki og skoraði 58 mörk, auk þess að gefa 63 stoðsendingar.
Onze temporadas seguidas no futebol europeu com assistências, dribles e golaços! Bora ver as skills do meu novo meia e deixar uma mensagem de boas-vindas pra ele aqui, família ????????
— SE Palmeiras (@Palmeiras) April 15, 2024
AVANTI, Felipe Anderson! ????#AvantiPalestra pic.twitter.com/9NIpi55KyX
Athugasemdir