Tyrkneska félagið Besiktas hefur sagt skilið við portúgalska þjálfarann Fernando Santos eftir aðeins þrjá mánuði í starfi.
Santos er einn reyndasti þjálfarinn í Evrópuboltanum en áður stýrði hann landsliðum Grikklands, Póllands og Portúgals ásamt því að hafa þjálfað AEK, Panathinaikos, Porto og Benfica.
Portúgalinn tók við Besiktas fyrir þremur mánuðum en var rekinn í gær eftir að liðið gerði 1-1 jafntefli við Samsunspor.
Besiktas er eitt af þremur stærstu liðum Tyrklands en hefur ekki tekist að halda í við erkifjendur sína í Fenerbahce og Galatasaray á þessari leiktíð.
Besiktas er í 4. sæti deildarinnar með 48 stig heilum 36 stigum frá toppnum.
Athugasemdir