'Vonandi gengur þetta vel í sumar og ég spila sem mest'
'Mér finnst ég eiga að spila í þessu liði og á meðan ég er heill vil ég vera að spila'
Það kom einhverjum á óvart að sjá nafn Orra Sigurðar Ómarssonar í byrjunarliði Vals í 1. umferð Bestu deildarinnar fyrir rúmri viku síðan. Valur átti góðan leik og vann sannfærandi sigur á ÍA og Orri var á sínum stað í liðinu í gær gegn Fylki.
Orri, sem er 29 ára varnarmaður, meiddist illa í aðdraganda Íslandsmótsins 2022 og kom til baka í lok mótsins í fyrra. Í vetur lék hann alls einungis tvo leiki í Reykjavíkurmótinu og Lengjubikarnum.
Orri ræddi við Fótbolta.net og mbl.is eftir leikinn í gær.
Orri, sem er 29 ára varnarmaður, meiddist illa í aðdraganda Íslandsmótsins 2022 og kom til baka í lok mótsins í fyrra. Í vetur lék hann alls einungis tvo leiki í Reykjavíkurmótinu og Lengjubikarnum.
Orri ræddi við Fótbolta.net og mbl.is eftir leikinn í gær.
Lestu um leikinn: Fylkir 0 - 0 Valur
Kom þér eitthvað á óvart að vera í byrjunarliðinu í fyrsta leik?
„Nei," sagði Orri og hló. „Alls ekki, mér finnst ég eiga að spila í þessu liði og á meðan ég er heill vil ég vera að spila. Það vissu greinilega ekkert nógu margir að ég væri heill og kom kannski einhverjum á óvart, en ekki öllum."
„Ég er í nárabuxum og alls konar vesen en ekkert sem hamlar mér á vellinum."
„Það er geðveikt að vera kominn aftur á völlinn, frábært, sérstaklega þegar liðið er svona gott. Vonandi gengur þetta vel í sumar og ég spila sem mest," sagði Orri að lokum.
Athugasemdir
